今日早上去到茶餐廳，有客人話施政報告對樓市的著墨甚少，沒有200億救市基金，亦沒有提高100元印花稅物業價值的上限，更加冇放寛逆週期措施，連還息不還本都冇提，令不少物業投資者非常失望。
老闆話，物業投資者應該有多少吉士，樓價上升就話自己眼光準，樓價下跌就叫政府出招救市，輸打贏要，唔怪之得有咁多人鄙視物業投資者，至於點解仍未放寛逆週期措施，老闆話唔知點解。
在施政報告公布當日，彭博話香港大銀行向外國基金出售投資者抵押物業，解決投資者的投資貸款，有YouTuber 
立刻話，投資者的物業有四成按揭貸款，另加三成投資貸款，現在商業物業普遍下跌了四成，甚至五成，早已資不抵債，所以，樓市非常唔樂觀。
YouTuber 冇講最重要的一點，三成投資貸款所得的資金點解突然消失，如果買股票，起碼賺三成，買金賺兩成，買比特幣隨時賺超過一倍，就算唔賺，甚至蝕多少，三成資金得返兩成，都唔會俾銀行賣樓，而令到三成投資貸款清零只有一個可能性，就是買債券，不少發債公司違約，甚至清零，買債券的人連渣都冇，突然間多了三成投資貸款，想唔死都唔得。
特首在施政報告冇提及放寛逆週期措施是正確的，而事實上未解決投資貸款問題之前，金管局是冇可能放寛逆週期措施，否則就會令銀行增加不良貸款，現在銀行開始出售有投資貸款的抵押物業，在完成或者接近完成的時候，金管局就可以放寛逆週期措施，到那時候仍然持有物業的人就不用擔心銀行會突然call loan，而樓市有足夠水源滋潤下，很快就會回復生機。
